|
| o岩o岩睇完南家三姊妹第四集,
玩二宮同學game果part好好笑,
crossover 孖寶, 生化, 勇者鬥惡龍........ 成日gameover bad end, 不停二宮, 老師........ | | |
| 今日真係好值得慶祝........
因為我第一次成功MAD片,
一段5分鐘既片, 竟然用左我2個幾鐘.....
畢竟都第1次, 淨係搵software都用左好多時間!!
係25集入面搵raw都好辛苦,
不過做到自己鍾意既野真係好開心!!!!
完全體會到佢地既心情.... 之後要學整字幕, 咁大個人先去學,
都幾醜, 但係點都要學, 希望好快就上手!!! | | |
|
o岩o岩介紹完, 第2日就睇到新聞........
估唔到今次谷山紀章係同「涼宮春日」&
Lucky Star既「此方泉」個CV平野綾上新聞!!!!
lee排平野綾真係好紅, 剛剛出完寫真集,
好似都幾大賣, 就又有新聞!!
平野綾VS谷山紀章？戀情曝光新宿！
日前有日本的fan在其BLOG上曝光說本月6日晚與朋友去
新宿玩的時候偶遇了當紅聲優平野綾和聲優兼歌手谷山紀章
手挽手坐上一輛計程車車離去。這位fan由於過度吃驚而忘記
拍攝照片留作證據，但2ch上也有相關人士表明這2人的確是
在交往。同時在8月7日，平野綾官網的日記「綾魂」中也刊登
出了平野看去Granrodeo（谷山紀章與飯塚昌明的樂隊）LIVE
的照片，由照片可以看出2人的關係的確很親近。不過目前2人
都還尚未明確表明之間的關係，也不排除「交往」一事只是
流言的可能性。
順便一提，谷山紀章之前也曾喜歡過一位女性聲優，但
這位聲優已經嫁作他妻，她就是森久保祥太郎的夫人淺川悠
，而平野之前盛傳，近乎談婚論嫁的男友，則是銀魂的男主
角聲優杉田智和．．．
| | |
|
這張專輯都出左好耐下, lee排都成日係電視上賣廣告,
裡面d歌真係好好聽。GRANRODEO係由2個成員組成,
由谷山紀章做主唱加填詞, 飯塚昌明就負責作曲同結他部份。 以前比較鍾意聽女歌手既歌, 因為無咩男歌手唱既歌好聽.........
雖然聽女歌手既歌為主, 但從來無特定指名聽邊個,
感覺上個個都差唔多, 最後都係決定於歌既旋律上,
但係谷山紀章既歌真係非常好聽, 無論歌同聲都完全唔會厭。
佢既single碟都經常係電視上賣廣告,
最近仲有搞大型演出──GRANRODEO First LIVE 2007 "RIDE ON THE EDGE",
仲有追加公演, 睇黎好評如潮........
佢亦都有歌上過日本ORICON公信榜頭25位。 起初聽谷山把聲, 係睇《金色的琴弦》先比較留意.......
之後就開始聽佢唱既歌, 第一首係《金色的琴弦》所有角色唱既HAPPY TIME,
佢把聲就特別出位, 可能係第一男主角既關係??? 所以又聽佢係其他動畫入面配過角色既IMAGE SONG,
今次聽既係, 《你所期望的永遠》嗚海孝之既LAST SMILE.....
雖然佢唱歌唔係好有技巧, 唱高音位會無聲氣, 但畢竟要配番主角把聲,
佢成首歌都用左假聲, 所以難度都好高......但歌既意境佢完全做到,
真係切合番個主題, 主角既本身。
不過佢配出既角色都好似有定位, 好似《金色的琴弦》的月森蓮......
每次配既角色都同佢本人既性格好唔同, 所以好似差緊d野,
但係佢用月森蓮把聲唱出既WITHOUT END就同樣出色,
雖則d人話青月光比較經典.......... 以上提既都係慢歌, 但係其實佢唱快歌比較擅長,
而且這些歌先係用佢真人把聲唱!!!感覺唱得比較放.....無咁拘謹!!!!!
快歌中特別好聽既有《IGPX》OP既GO FOR IT!同mistake、
《鬼公子炎魔OVA》ED既DECADENCE、
《鋼鉄神ジーグ》ED既HEAVEN同SOUL CRAZY、
PC GAME 「Muv-Luv Alternative」 OP既ONCE&FOREVER。 慢歌就係提過既LAST SMILE、WITHOUT END、
《戀愛天使安琪莉可～心覺醒之時～》OP C/W既シルエット、
PC GAME「UNDER THE MOON」既同名OP都好好聽。
但係我諗最失落既係佢拎唔到聲優界比賽入面既歌唱賞...........
佢唱既角色歌都有好多, 不過拎獎既係水樹奈奈, 都無可厚非。
水樹奈奈受歡迎好多, 唱歌又真係好掂,
未頒都估到佢拎.......不過歌唱賞將男同女混合就有d唔公平,
畢竟大家既對象層面都唔同, 這點對水樹奈奈有利好多,
套《魔法少女奈葉》都已經有唔少歌可以帶搴佢宣傳自己。
除左谷山紀章外, 宮野真守唱歌都唔錯, 不過佢主要都係專注於配音事業,
唱既角色歌也只有3首多d, 仲未肯定佢把聲, 完全無得比........
但可以講既係, 到現今為止, 佢唱既歌都唔錯!!!!
另外, 鈴村健一同小西克幸既歌都唔錯, 但係都只出過幾首,
畢竟配音事業比較發達........歌聲又唔係好特別,
但係能夠兼顧配音同唱歌於一身既, 除左水樹奈奈, 都無咩人做到,
因為佢用自己名義都開過唔少演唱會.....無幾多個聲優能做到這種程度吧???
希望GRANRODEO、谷山紀章都可以追上去, 開埋第２次既ＬＩＶＥ！！ | | |
|
今次中文竟然咁神奇, 大grade可以由F變做5*.....多謝考評局!!
本來諗住今年拎2級已經有進步, 但今次連續跳5級, 真係訓唔著!!
講真考中文既過程一o的都唔簡單, 考5份卷真係好tired....
本來無諗住打出黎, 但係為左表揚某人, 就分享下過程!!!
最關鍵係作文, 由F變5*, 仲要係作檸檬茶, 好似小學生作文咁,
所以真係多謝marker.......欣賞我既杰作,
我篇文感覺上仲差過「動物橫町」既小爾.......
驚奇既係最無把握既閱讀都會有5*, 話說我連篇文講咩都唔明,
淨係識填充題, 其他都係亂抄一通.......大包圍作戰成功!!
聆聽就最考人專心......我成日好容易聽聽下就發夢,
雖則考果時都有分心, 不過好彩d題目都好易估,
講追星族, 就算無聽佢講, 都可以tick定d答案.......
口試真係好驚心, 朗讀唔小心將「裡」讀做「中」,
不過都要照衝, 到考討論時, 都仲驚之前果part會扣分......
之後討論仲要係講「新不如舊定係舊不如新」,
諗果時都唔知講咩, 所以我講野完全無point, 唯有捉人地錯處。
lee個戰略好成功, 其他成員都幫我攻擊佢........
但係人地6個人一組, 基本上我果組得3個人出聲,
果然俾分係唔重視團體合作。
綜合能力..........估都估唔到係推薦信, 心諗真係玩野.....
又要係封信度謙虛咁抬高自己.......d資料又無用,
好多都「線」人.......叫人點作!!!
總結, 本身真係有好多扣分機會, 我個底又差,
又無讀多年中五去了解下個新制,
拎到咁既成績真係好多謝某一個人(唔賣廣告....),
雖然教左我幾個鐘only, 但佢教左我地好多skills, 所以要歸功於佢!!!
佢話佢自己教親既都會有4以上, 果然係名不虛傳。
| | |
|
